Кога ситуацијата е тешка и финансиски неиздржлива за голем број на клубови, каде што и пореномирани имиња се под закана на финансиски колапс, есенскиот шампион на Трета МФЛ од Исток тимот на ФК Брегалница од Делчево најде барем некакво решение, а тоа се состои во изготвување на КЛУБ КАРТИЧКА ЗА ЛОЈАЛНОСТ.
Оваа картичка е наменета за секој што вистински сака да помогне на својот локален клуб и неговите фудбалери кои во моментот го носат епитетот „есенски шампиони“ односно се лидери на табелата.
Од клубот Брегалница се надеваат дека локалните фанови и љубители на спортот пред се фудбалот несебично ќе ги помогнат на фудбалерите за да не се почуствуваат дека не се оставени сами на себе, а клуб картичката за лојалност чини 1 000 денари и истата е валидна само со печат од клубот.