Кадетскиот тим на Еурофарм Пелистер е новиот шампион на Македонија откако во возбудливо финале на завршниот турнир (Ф4) го совлада тимот на Струга. Со оваа победа, битолчани ја заокружија одличната сезона и заслужено се закитија со титулата најдобар кадетски тим во земјава.
И покрај поразот, левото крило на Струга, Стефан Ѓорѓиески, беше прогласен за најдобар стрелец на турнирот и МВП (најкорисен играч), покажувајќи импресивна игра и голгетерски инстинкт.
Во идеалниот тим на Ф4 се најдоа:
- Голман: Мелин Фехми (Еурофарм Пелистер)
- Лево крило: Стефан Ѓорѓиески (Струга)
- Среден бек: Стефан Ѓорѓиевски (Еурофарм Пелистер)
- Кружен напаѓач: Стефан Матески (Струга)
- Лев бек: Горазд Дамчевски (Пролет)
- Десен бек: Стефан Поповски (Мулти Есенс)
- Десно крило: Јован Петрески (Мулти Есенс)
Турнирот уште еднаш потврди дека македонскиот ракомет има светла иднина, со многу талентирани млади играчи кои веќе се наметнуваат со своите квалитети.




