Македонската одбојкарска репрезентација загуби од Бугарија со 3:1 (25:17, 18:25, 22:25 и 22:25) во вториот дел од двомечот во рамки на 44. издание на традиционалниот меморијален турнир „Бранко Хаџииљоски – Чајка”.
Александар Љафтов заврши со 17, а капитенот Никола Ѓорѓиев со 16 поени кај нас, Владо Милев заработи 7, Ристо Николов 6, Славе Наков кој почна наместо Иван Андонов, освои три, а техничарот Ѓорѓи Ѓорѓиев еден поен.
Тимската статистика беше на страна на ривалот, освен бројот на грешки. Ние имавме 15 поени помалку од напад, а бугарите располагаа со подобар блок и сервис, но имаа дури 35 грешки.
Сепак и покрај тоа остварија две победи на двомечот во Скопје и ја прекинаа серијата од три триумфи на ,,црвено-жолтиот” национален состав во меѓусебните пресметки. Со оглед дека двете селекции се во тренажен процес за јануарските квалификации за Европското првенство во 2021-ва, закажани се уште два пријателски натпревараи тоа на 5-ти и на 6-ти наредниот месец во Софија.
Покрај победничкиот пехар кој им припадна на бугарските одбојкари за освоеното прво место, беше прогласен најдобар техничар признанието кое го доби македонскиот репрезентативец Ѓорѓи ѓоргиев, а за МВП на турнирот е прогласен Александар Николов од Бугарија.
Извор и фото: Одбојкарска федерација на Македонија
