Првпат по 2006 година, Реал Мадрид или Барселона не се на чело во шпанската Примера за време на католичкиот Божиќ. Доминацијата која траеше цели 14 години, ја прекина Атлетико Мадрид, кој моментно е лидер во шампионатот.
,,Јорганџиите” имаат 32 бода, исто колку што има и второпласираниот Реал Мадрид, но Атлетико Мадрид е тимот кој има подобра гол разлика, но и два меча помалку од градскиот ривал.
Атлетико Мадрид сезонава потсетува на игрите од сезоната 2013/2014 година, кога стана и првак на Шпанија. Тимот на Диего Симеоне во 13 лигашки дуели има 10 победи, две нерешени и само еден пораз.
Во време на доминација на Реал Мадрид и Барселона, Атлетико Мадрид може да се пофали дека во последниве деценија и пол е единствениот тим кој успеал да освои и титула во првенството освен двата најтрофејни клуба. Атлетико има една титула, Реал освои пет трофеи, а Барселона дури десетпати беше шампион на Шпанија.
