Капитенот и лидер на Динамо Загреб, Аријан Адеми во изјава за хрватските медиуми кажа дека Македонија има силен тимски дух, квалитетни поединци кои што се способни и да ја поминат групната фаза на Европско првенство на кое што сме дебитанти.
Македонија е во група со: Холандија, Австрија и Украина и Адеми смета дека селекторот Игор Ангеловски добро ги вклопил сите фудбалери и затоа сме и во позиција и за повисоки цели, а освен тоа владее и позитивна репрезентативна атмосфера.
Фудбалерот се осврна и на моментот кога го прифатил повикот од Македонија и кажа дека пресуден фактор било тоа што бил изоставен и неповикан за Хрватска на Мундијалот во 2014 година, а втор факт е убедувањето од страна на екс репрезентативецот Агим Ибраими да го прифати повикот од Македонија.
