
Иако важеа за едни од главните фаворити, Вестерн Булдогс ја завршија регуларната сезона со три последователни порази.
Во последното коло, во трилер-завршница, шампионите од 2016 загубија од Порт Аделаид Пауер со (10.4) 64-66 (9.12).
Булдогс одлично го отворија мечот и водеа со 33-14 после првото полувреме.
Домаќините исто така ја држеа предноста и во вториот дел, но трите голови на Порт Аделаид во последните десет минути претставуваа пресвртна точка на натпреварот.
Во самиот финиш, претставниците на Мелбурн имаа шанса да дојдат до триумфот, но дефанзивците на Пауер одиграа маестрално, жртвувајќи само еден поен.
Од поразениот состав, во отсуство на повредениот Џош Брус, единствен со два гола беше Тим Инглиш (2.0), а по него следуваа Лечи Хантер (1.2) и Коди Вејтман (1.1).
На спротивната страна, над два погодоци постигнаа Тревис Боук (2.3), Конор Рози (2.1), Роби Греј (2.0) и Питер Ладамс (2.0).
Со оваа победа, Порт изби на првото место, додека Булдогс останаа на четвртата позиција.
За да ја завршат регуларната сезона на истите позиции, двете екипи ќе се надеваат на пораз на Мелбурн Демонс и на Бризбејн Лионс.



