Во рамките на 19 коло од Прва ЖФЛ во Велес, домашната екипа на ЖФК Борец го нагости тимот на ЖФК Каменица Саса, воедно тим кој се наоѓа на врвот на табелата. Натпреварот се одигра во фер и коректна атмосфера каде што до трите бода дојдоа гостинските фудбалерки со триумфот од 0:2 на полувреме беше 0:0.

Лидерот го скрши отпорот на велешанки во второто полувреме со погодоците на Рабиа Дервиши во 68 минута и со голот на Ана Димитровска во 71 минута. Се проследи квалитетен првенствен натпревар каде што домашната екипа беше ориентирана кон одбраната и од контри ја чекаше својата шанса.

Од друга страна ЖФК Каменица Саса константно беше напаѓачки ориентирана и нивниот труд се исплатеше во последните дваесетина минути кога постигнаа два гола за нови три бода и зацврстување на врвот на табелата.



