Петнаесеттото коло од англиската Лиг 2 дополнително ја зголеми неверојатната серија на Транмер Роверс.
Минатосезонскиот третолигаш, до пред точно еден месец, беше еден од главните конкуренти за релегација назад во петтата лига.
Сепак, момците од Биркенхед успеаја да се консолидираат и да атакуваат на промоција, откако тренерот Мајк Џексон доби отказ на 31 октомври, веднаш после последниот пораз на Роверс со 0-1 од Моркамб. На негово место, како привремени менаџери застанаа Ијан Доус и Енди Паркинсон, а пред десетина дена беше ангажиран Кит Хил.
За точно еден месец, Транмер успеа да сврзи осум победи во сите натпреварувања со гол-разлика од 18-6.
Последната од осумте победи дојде денес, а беше изборена над составот предводен од поранешниот австралиски репрезентативец – Хари Кјуел.
Имено, Олдам Атлетик беше поразен од Транмер со 0-1 на домашниот ,,Баундери Парк”.
Стрелец на единствениот гол беше и најмладиот стрелец во историјата на Премиер лигата, Џејмс Воган (17′), кој го заби петтиот гол на последните пет средби.
Со новите три поени, Транмер изби на седмото место на табелата, додека Олдам се наоѓа десет позиции подолу.



