СООПШТЕНИЕ Благоја Милевски селектор на Макеоднија до У-21:
Чувствувам потреба да упатам благодарност кон сите што бевте дел од квалификациите за Европското првенство 2021. Сите Вие имате заслуга за успехот што го направивме. Од срце Ви благодарам.
Кај мене постои и револт и горчина заради начинот на кој нѐ ни дозволија да се бориме и да бидеме заедно до крај, но наша заедничка победа е тоа што сте и одважни и храбри и со квалитет на нивото на најдобрите во Европа.
Од нашиот прв собир во Анталија, па се до последниот натпревар против Црна Гора созреавте како личности и како фудбалери, а според она што го прикажавте на терен, стигнавте на нивото кое го посакував. И не застануваме тука. Имаме време и простор за напредок.
Многу научив и сеуште учам и од вас. Ми беше задоволство да работам со личности и фудбалери како вас. Бидете и остенете луѓе какви што сте. Потрудете се да напредувате како фудбалери.
Се надевам дека во иднина само ќе ја надоградуваме заедничката соработка. Ви посакувам добро здравје на сите“ – кажа на крај Благоја Милевски – Селектор на македонската репрезентација до 21 година.
Извор и фото: https://ffm.mk/



