Почитувани љубители на трчањето и спортот, Охрид трчаТ е производ на нашата желба за еден поинаков и поинтересен Охрид, Охрид во кој улиците ќе се користат за трчање и рекреација, Охрид во кој ќе се дружат и забавуваат сите од најмладо до најстаро. Охрид трчаТ покажа уште во првата година дека интересот за овој вид на рекреација е многу голем и многу потребен. Уличните трки од ден на ден се повеќе се етаблираат низ улиците на многу градови во светот но посебноста на Охрид трчаТ како трка е во тоа што на сите учесници им дава ретка можност да рекреираат и да се дружат со градот со жива култура и природни богатства кои опстојуваат 2500 години.
Старт/финиш зони за сите оние кои ќе трчаат на 30 август
Изготвени мапи за старт/финиш зоните согласно насоките и препораките на комисијата за заразни болести. Разгледајте ги убаво и запомнете ги насоките и протоколите зошто сите заедно мораме да ги почитуваме и да се придржуваме до нив за да бидеме одговорни пред себе и посебно пред сите други.Во деновите пред нас ќе бидете известени (мејл, веб, медиуми, социјални мрежи) и текстуално и со саатница околу протоколот за доаѓање на старт зоната, времето за термален скрининг и доделувањето на наградите.
ТРКА 21K
НЕДЕЛА, 30. АВГУСТ 2020 – 07:30
Трката на 21 километри е тркачкиот професионален дел од целиот настан Охрид трчаТ. Таа пред се е наменета за активните рекреативци и професионални атлетичари кои сериозно влегуваат во борба со времето и спортските конкуренти за подобро место на трката.

ТРКА 5K – Трка за рекреативци
НЕДЕЛА, 30. АВГУСТ 2020 – 08:15
Трката на 5 километри претставува рекреативна трка која е наменета за сите возрасти и која за главна цел има дружење, забава, афирмација на пораки и цели, како и промоција на трчањето кај најмладата популација и здравиот начин на живот. Се трча еден круг низ улиците на Охрид како што е опишано на мапата.

Во време на пандемија Охрид се погрижи според сите протоколи да го организира и оваа година Охрид трчаТ, кој што по посебни протоколи на старт и финиш како и подигање на стартните броеви и медаљи, да им посакаме среќа и успех и уште многу години оваа манифестација само расти и расти!Браво за Охрид трчаТ и организаторите! Среќно!



