Струга како град секогаш имал префинет спортски шмек. Овој град е град на културата и спортот. Од таа гледна точка стружани се предодредени за спортски дисциплини и произлегоа огромен број на спортисти и спортски работници кои го репрезентираат градот на најдобар начин.

Во Струга кога се работи за фудбалот има два прволигашки клубови, едниот во машка конкуренција и тоа ФК Струга Трим Љум и женскиот колектив ЖФК Асс Јунајтед. Освен нив во второлигашка конкуренција просперира Фк Лабуништа, а Караорман и Влазними се екипи кои оставиле своја трага во минатото.

Во градот има два активни стадиони и тоа: Градскиот стадион на ,,ФК Караорман” и стадионот на ,,Влазними”. Сето ова е премалку ако се знае дека има огромен број на фудбалери и фудбалерки кои што со своите екипи ги обавуваат тренажните процеси како и натпреварите.

Постои и трет спортски комплекс кој изминативе години се започна но никако да добие финален производ, а тоа е игралиштето кај ,,Комбинат” или кај индустриската зона. За таа цел своја иницијатива презема селекторот на У-19 на Македонија и прв тренер на ЖФК Асс Јунајтед, Астрит Мерко, кој што на своја иницијатива и труд ќе се потруди да помогне ова игралиште да ги добие своите спортски контури и во догледно време да се овозможи да се играат првенствени натпревари.

Додека трае паузата на спортските натпревари е идеално место да се допринесе за спортот и непречено негово функционирање. Астрит Мерко веќе започна со чистење на игралиштето, тревникот, соблекувалните како и монтирање на трибини.

Овој комплекс по неговото завршување ќе го користи тимот на ЖФК Асс Јунајтед како и четири други генерации на тимот. Асс Јунајтед постои веќе 11 години и во овој временски период успешно се натпреварува, има произведено многу квалитетни фудбалерки како и репрезентативки на сениорската А селекција и младинските репрезентации. Секако освен женскиот клуб на ова место ќе добијат шанса и време своите спортски активности да го користат и останатите клубови.

,,Покренувам иницијатива и поднесов молба до општина Струга и советниците за активирање на стадионот кој во изминативе 10 години постана гнездо на наркомани и истата иницијатива беше прифатена па веднаш се зафатив со работа. Среќен сум што и градоначалникот е љубител на спортот и што донесе позитивна одлука. Јас работам за спортот и сум придонесол за градот Струга со моите резултати изминативе неколку години. Асс Јунајтед конечно во блиска иднина ќе добие свој дом” – изјави Астрит Мерко.

Сепак овој проект е сериозен и за таа цел селекторот ќе побара помош од Агенцијата за млади и Спорт како и од фудбалската федерација на Македонија (ФФМ). Ако се сака професионален спорт и високи спортски резултати, еден од предусловите е и квалитетна инфраструктура. Нека ова биде само еден позитивен пример во таа насока па и останатите клубови да размислат и да реализаат проекти за развој на спортот.





