Најжестокото ирско дерби го сочинуваат екипите на Шамрок Роверс и Бохемианс. И двата клуба потекнуваат од Даблин и се најуспешните во ирскиот фудбал. Ова дерби се игра над 1 век и стана премногу тензично кое традиционално привлекува многубројна публика. Натпреварите помеѓу овие 2 тима се имаат играно на повеќе стадиони во Даблин, но синоним е стадионот на Бохемианс – ,,Делимаунт Парк” на кој се имаат организирано повеќе дербија отколку на другите стадиони.
Најпрвата средба на двете екипи била на 9 јануари 1915 во рамките на Леинстер Сениор Куп на ,, Делимаунт Парк” којашто завршила со резултат од 3-0 во корист на домаќините.
Првата победа на Шамрок Роверс била во 1/2 финалето на ФАИ Куп во сезоната 1921/22.
Во 1945 двете екипи играле финале на ФАИ Куп пред рекорден број публика (околу 45,000). На овој меч победиле Шамрок Роверс со резултат 1-0.
Неколку незгодни/непосакувани ситуации поврзани со ова дерби:
1. После трансферот на Тони Грант и Џејмс Кеди од Шамрок во Бохемианс, на првиот меч меѓу овие 2 екипи, дојде до инцидент кога фановите на Шамрок фрлија на теренот глава од свиња. Подоцна овој инцидент беше тема на разговор за медиумите.
2. Уништување на споменикот на поранешниот стадион на Шамрок Роверс – ,, Гленмалур Парк”
3. Навивачки немири на ,,Делимаунт Парк” во 2000 г. и на ,,Ричмонд Парк” во 2003 (што резултирало со губење на дозволата за Шамрок Роверс да игра на овој стадион).
4. Во 2016, по гостинската победа од 0-4 на Шамрок Роверс, навивачите и на двете екипи влетаа во теренот предизвикувајќи тепачки
Во 1980′ и 1990′ натпреварите меѓу овие тимови привлекувале голем број публика, но по напуштањето и продажбата на ,,Гленмалур Парк” во 1987 г. – Шамрок Роверс останале без домашен стадион и ги играле своите натпревари на други стадиони низ Даблин што резултирало со намалување на гледаноста. Сепак со изградбата и доселувањето на новиот стадион ,,Талахт Стадиум” во 2009 – се вратила гледаноста и дополнително се зголемил жарот помеѓу овие 2 екипи.
Клубовите потекнуваат од различни делови на Даблин. Бохемианс се од Фибсбороу (северниот дел на Даблин) додека нивните ривали се од Рингсенд (јужниот дел). Воглавно навивачите го поддржуваат тимот што потекнува од нивниот регион/населба. Сепак и Бохемианс и Шамрок Роверс имаат ривалствa и со други даблински тимови како Ст. Патрик’с Атлетик и Шелбурн.
Се’ до сега се имаат одиграно 226 натпревари од кои:
64 победи на Бохемианс, 61 нерешени и 101 победи на Шамрок Роверс со гол разлика 340-401 во полза на Шамрок.



