Репрезентацијата на Турција има одлично отварање на квалификациите и во првите три кола има максимален учинок од три настапи и три победи. Последниот нивен триумф одекна силно во светската јавност и освоените три бода против Светскиот првак репрезентацијата на Франција.
Турција има едни од најжестоките и најверните фанови и нималку не е лесно да се игра пред таква жестока атмосфера. Јунаци за домашните беа Ајхан и Ундер со погодиците во 30-та и 40-та минута во првото полувреме.
Сега Турција е прва со девет бода пред Франција со шест освоени бода. Наредно коло Турција гостува на незгодниот Исланд, додека Галските петли имаат лесен натпревар против Андора.



