Јувентус минатото лето го доведе во своите редови Кристијано Роналдо, фудбалерот кој во најважните натпревари има капацитет и знаење да неизвесните мечеви да ги реши во полза на тимот. Вечерва токму тоа и го направи со постигнатиот хет-трик против Атлетико Мадрид каде што успеа својот тим да го пласира во 1/4 финале.
Роналдо повторно ја покажа својата класа, а првиот гол го постигна во 27. минута кога на асистенција на Бернардески, Роналдо со глава постигна водечки гол каде го надскокна Хуанфран во воздушниот дуел. Исто така Роналдо со гол со глава на стартот на второто полувреме во 48. минута зголеми на 2:0.
До крајот на мечот ,,Старата дама” играше агресивно, напаѓачки се со цел да се дојде до трет гол кој ќе ги пласира во наредна фаза. Иницијативата и притисокот се исплатија за домаќините затоа што во 84. минута Бернардески изнуди удар од белата точка во дуел со Кореа.
Решавачкиот пенал го изведе Кристијано Роналдо и успешно го реализира за триумф од 3:0. По завршувањето на натпреварот сосема заслужено Јувентус прослави пласман во 1/4 финале во Лига шампиони.



