Фуриозна игра во почетните дваесет минути на Ајакс и постапаноста на домашните играчи беше доволна гостите да имаат позитива од 0:2. Голот за водство го постигна Зиех во 7. минута на асистенција на Тадиќ, а српскиот фудбалер во 18. минута го имаше потегот на вечерта кога со ролинг се ослободи од противничкиот дефанзивец и со правовремена асистенција до Нереш кој ја спроведе топката зад грбот на Тибо Куртоа.
,,Кралевите” имаа додаден пех во играта затоа што до крајот на првото полувреме им се повредија првотимците Винициус и Васкез, а на нивно место влегоа Бејл и Асенсио. Во второто полувреме шансите што не ги искористија домашните фудбалери гостите казнија во 62. минута кога Тадиќ со убав удар од работ на шеснаесетникот го матираше чуварот на мрежата Куртоа.
Гол за надеж за Реал Мадрид постигна Асенсио во 72 минута, но набрзо од скратен корнер Шоне со директен удар кон голот го изненади на Куртоа за недостижна предност од 1:4. Кога се беше готово Зиех пропушти зицер шанса за постигнување на нов гол, додека Реал на крај остана со фудбалер помалку по вториот жолт картон на Начо, а Герет Бејл го повреди скочниот зглоб за додатни проблеми до крајот на сезоната што им преостануваат во Примера.



