Во последниот натпревар од 22. коло од Примера се сретнаа меѓу себе на стадионот ,,Ваљекас” тимот на Рајо Валјекано и Леганес. До победа и три бода дојдоа гостите со 1:2 во малото градско дерби.
Први во водство стигнаа Леганес со голот на Братвајт во 36 минута резултат со кој се замина на полувреме. Во здодевно и неинветивно второ полувреме се до моментот кога во 58 минута директен црвен картон заработи дефанзивецот на Леганес Ниом.
Од овој момент домашните фудбалери ја вратија надежта дека ќе стигнат до поволен резултат, а израмнувачкиот гол за нив за 1:1 го постигна Алваро Гарсија во 83 минута, но и покрај предноста со фудбалер повеќе на терен, Рајо не успеа да го сочува овој резултат затоа што Јусуф Ен Несири во 85 минута постигна победнички гол за 1:2. Со новиот пораз Рајо Валјекано повторно се враќаат во зоната за испаѓање.



