Во рамките на 19 коло од португалската прва лига, Сетубал и Спортинг Лисабон одиграа реми од 1:1 каде што домашните фудбалери поведоа во 23. минута со голот на Кадиз, додека Баст Дост со гол во 80-та минута спаси бод за гостите на овој меч за 1:1.
Одбележување од овој натпревар е директниот црвен картон на македонскиот репрезентативен десен бек Стефан Ристовски во 55. минута откако беше во воздушен дуел со противнички фудбалер и доби удар во главата со лакт и судијата сето тоа не го санкционираше, па Ристовски незадоволен од несанкционирањето на неспортскиот потег се упати кон арбитарот со нервозна реакција и протест, а на сето тоа судијата му додели незаслужен црвен картон.
Со овој најнов кикс на Спортинг Лисабон се далеку од борбата за шампионска титула каде што имаат десет бода помалку од првопласираниот Порто, додека Бенфика има пет бода повеќе од Спортинг на втората позиција на табелата.



