Потешко од очекувањата Реал Мадрид дојде до тешка победа од 4:2 по првиот меч од 1/4 финалето во Копа Дел Реј. На ,,Сантјаго Бернабеу” први во водство стигнаа гостите со голот на Лозано во 7. минута. Израмнувачкиот гол за 1:1 го постигна Лукас Васкез во 18. минута на асистенција на Одриозола.
Пресвртот го најави Серхио Рамос во 42. минута кога од пенал со атрактивна ,,Паненка” го постави конечниот резултат на 2:1 по првото полувреме. Во вториот дел наместо домаќините да тргнат по дуплирање на водството, се случи токму спротивното затоа што нововлезениот фудбалер Љоренте направи пенал играјќи со рака и ,,подарокот” Џирона го искористи во б6. минута за израмнување од пенал преку капитенот Гранел на 2:2.
,,Кралевите” во завршните 15 минути од натпреварот го кренаа нивото на игра го притиснаа ривалот на дваесетина метри од голот и таквиот пристап им овозможи на домаќините целосен пресврт и тоа со головите на Серхио Рамос во 77. минута кога центаршутот на Марсело, капитенот на Реал Мадрид со глава топката ја спроведе во мрежата и на крај Карим Бензема ги постави конечните 4:2 во 80. минута на асистенција на младиот бразилец Винициус Жуниор.



