Струга го доби првото женско ракометно градско дерби! Во натпревар од 6. коло на Првата женска лига, младиот тим на Жрк Струга славеше против Жрк Стружанка со 25:18.
Стружанка имаше предност на полувремето од 10:9, но во вториот дел ракометарките на Струга ја презедоа иницијативата, одиграа одлично и стигнаа до убедлива победа од седум гола разлика.
Кај победничкиот тим најефикасна беше Калина Симонска со 8 погодоци, додека Елена Ѓонеска, Ива Пејоска и Емилија Атанасоска постигнаа по 4 гола. Леа Пејоска и Матеа Димитроска запишаа по 2, а Јана Петрeска 1 погодок.
Кај Стружанка, Маја Раткушиноска беше најдобра со 6 гола, Ивана Затуроска постигна 4, Јана Треновска 3, Љупка Бабачева и Бојана Билкова по 2, а Марија Маркоска 1 погодок.
Стрелци:
Стружанка: Маја Раткушиноска 6, Ивана Затуроска 4, Јана Треновска 3, Љупка Бабачева 2, Бојана Билкова 2, Марија Маркоска 1.
Струга ЖРК: Калина Симонска 8, Елена Ѓонеска 4, Ива Пејоска 4, Емилија Атанасоска 4, Леа Пејоска 2, Матеа Димитроска 2, Јана Петрeска 1.
Конечен резултат: Стружанка – Струга 18:25 (10:9).
Првото женско ракометно градско дерби донесе интересна пресметка, а Жрк Струга ќе го памети по историската победа!




