ЖКК Струга 2009 со убедлива победа ја отвори полуфиналната серија против екипата на Гостивар, славејќи со 56:37 на домашен терен.
Домашната екипа го започна натпреварот сигурно и по првата четвртина имаше водство од 15:10. Во втората четвртина гостинките од Гостивар успеаја да парираат и ја добија со 15:12, но Струга сепак замина на полувреме со предност.
Клучната разлика стружанки ја направија во третата четвртина, кога со одлична одбрана и ефикасен напад ја добија со 14:7 и практично го решија победникот. Во последниот период ЖКК Струга 2009 само ја потврди доминацијата и со 11:5 го постави конечниот резултат 56:37.
Најефикасна во редовите на ЖКК Струга 2009 беше Зиба со 21 поен, додека Муртезаи постигна 15, а Хиса додаде 12 поени. Даути натпреварот го заврши со 4 поени, додека Дукоска и Шикоска постигнаа по 2 поени.
Кај гостинската екипа од Гостивар најрасположена беше Каранфилоска со 14 поени.
Со оваа победа ЖКК Струга 2009 поведe во полуфиналната серија и направи важен чекор кон пласман во финалето.




