Во првото коло од 2025 година, кадетките на Вардар гостуваа кај екипата на РК Делчево и остварија убедлива победа со резултат 20-35.
Натпреварот започна со минимално водство на Вардар (1-2), но домашниот тим набрзо презеде контрола и поведе со 7-4. Сепак, црвено-црните брзо се консолидираа, направија пресврт и на полувреме заминаа со пет гола предност (10-15).
Во второто полувреме, Вардар го засили темпото и доминираше на теренот. Предноста постојано растеше, достигнувајќи двоцифрена разлика во најголемиот дел од вториот дел. На крајот, избраничките на Даниела Вељаноска заслужено славеа со 15 гола разлика (20-35).
Најефикасна во нападот беше Драгана Тодоровска со 6 погодоци, додека Симона Миновска блескаше на голот со двоцифрени одбрани.
Стрелци за Вардар:
✅ Трифуноска – 4
✅ Стојанова – 3
✅ Балоска – 5
✅ Павичевиќ – 1
✅ Мила Ристовска – 4
✅ Тодоровска – 6
✅ Петровска – 1
✅ Манева – 2
✅ Николовска – 4
✅ Сара Ристовска – 4




