Македонскиот шампион Еурофарм Пелистер вечерва на домашен терен ќе го пречека тимот на Фуксе Берлин, во натпревар од второто коло од Лигата на Шампионите.
„Подготовките за натпреварот засега се одвиваат во најдобар ред. На домашен терен го пречекуваме вицешампионот на Германија, тоа е еден од најсилните тимови за Европа, што е нова шанса за докажување за Пелистер. Ова ќе биде наш прв натпревар на домашен терен, очекуваме полна сала и огромна поддршка од публиката и од „Чкембарите“. Со нив ќе се обидеме да го оствариме она што не успеавме на претходниот натпревар“, изјави голманот Никола Митревски.
Натпреварот се игра од 20:45 минути во спортската сала “Боро Чурлевски во Битола.




