Вечерва од 20 часот во салата “Нико Нестор” тимот на Струга е домаќин на Аеродром во клучниот натпревар оваа сезона. Со победа избраниците на Наум Танески обезбедуваат пласман во плејофот во Суперлигата во пролетната полусезона.
Искусното десно крило Тодор Јанкуловски кој е дел од најголемите успеси на клубот последните години со своја изјава во пресрет на натпреварот.
Дуелот со Аеродром е најважниот натпревар за нас оваа сезона. Максимално се подготвуваме за овој дуел кој ќе го решаваат нијанси. И покрај победата во првиот натпревар Аеродром не е екипа за потценување и ние влегуваме максимално подготвени и концетрирани на нашата цел , а тоа е победа во овој натпревар.
Со помош на навивачката група Паткари кои се нашиот осми ограч , и максимално залагање од нас играчите верувам во победа на овој натпревар , и пласман во плејофот кој е цел за нас оваа сезона . Воедно ги повикувам и сите љуботели на ракометот во Струга да се соберат во што поголем број и да ни дадат максимална подршка во остварување на нашата цел.




