
Прологот, односно квалификациите за првото натпреварување во Вилинген (Германија) од Светскиот куп во ски скокови ги доби Камил Штох.
Полјакот заработи три илјади евра со скокот од 146 метри, кој беше убедливо најдолг од сите натпреварувачи.
Второто место го освои Даниел Хубер пред четвртиот скокач од денешната победничка мешана штафета – Анже Ланишек.
Четвртата позиција ја освои Пјотр Жила, а во првите десетмина се најдоа уште Ловро Кос, Мариус Линдвик, Давид Кубацки, Зеверин Фројнд, Павел Васек и Халвор Егнер Гранеруд.
На денешната стартна листа имаше само 47 скокачи, но на залетувалиштето не се појавија Даики Ито, Маркус Ајзенбихлер, Карл Гајгер и Рјоју Кобајаши.




