Екипата на Мајами Долфинс го направи едно од најголемите изненадувања во оваа сезона совладувајќи ги Њу Ингланд Патриотс на нивниот „Жилет Стадиум” со 24-27. Рајан Фитзпатрик беше херој на мечот за „делфините” кои со постигнат тачдаун на 24 секунди до крајот си ја обезбедија победата. Во претходниот дуел, на почетокот на сезоната, Њу Ингланд славеа со неверојатни 0-43.
На денешниот натпревар, поените за Мајами ги постигнаа Сандерс (преку два филд-голови и три екстра-поени), како и Роув, Фитзпатрик и Гесицки со по еден постигнат тачдаун.
За Њу Ингланд поентираа Фолк (преку еден филд-гол и три екстра-поени), како и Мишел, Робертс и Вајт со по еден тачдаун.
Со овој пораз, а и победата на Канзас Сити над Лос Анџелес Чарџерс, Патриотс за прв пат после 2009 ќе играат во вајлд-кард рундата.
