Битолските „зелено-бели“ ја реализираа и третата по ред победа во шампионатот, за 50% ефект (5-5) во десет одиграни кола.
ПЕЛИСТЕР – КУМАНОВО 2009 88:70
(20-16: 21-21; 28-20; 19-13)
Првото полувреме помина во доста изедначена игра во која ниту една од двете екипи не направи некоја поосетна предност. Барем во уводната четвртина. Плус осум „пелистерци“ имаа (31:23), имаа во 16.минута. Но Куманово, преку шутерски расположеното трио, Марковски, Јанески, Петровски (дадоа седум тројки) до одморот таа негатива ја преполови (37:41).
Од друга страна пак дури 19.поени за „зелено-белите“ дадоа резервните играчи, девет Цветковски, а Голубовиќ и Зекири уште десет (комбинирано).
Одличен почеток на второто полувреме имаа домаќините, во пет минути реализираа 17, а примија само четири поени. И побегнаа на високи (58:41). Мини серијата од неколку поени на Куманово 2009 придонесе таа да биде нешто пониска пред влезот во последниот период, (69:57).
Но и тоа беше со „краток рок на траење“ затоа што со своја серија од (14-3) Пелистер се одлепи на недостижни (83:60). Па последните пет минути се претворија во одбрана на таа убедлива разлика.
Ја креираа стартерите кои на паркетот ги испрати новиот тренер Љупчо Малинков, Казарновски уфрли 16, Враниќ имаше 13, а по 11 дојдоа од Думиќ и Мекиќ. Со ефектот на Цветковски од 15.поени, сосема доволно за убедлива победа.
Марковски и Јанески реализираа по 16.поени за Куманово, Младеновиќ имаше одличен дабл-дабл од 11. поени и 13. асистенции. Но премалку за да се совлада се подобриот тим на Пелистер кој со третиот по ред триумф во серија стигна до половичен ефект (5-5).
ЕУРО НИКЕЛ 2005 – ВАРДАР 82:66
(17-15; 27-27; 19-9; 19-15)
По доста промени на водството, на истекот на 20.минути, Еуро Никел 2005 имаше минимални (44:42).
Но серијата од (10-3) во првите три минути од третата четвртина го донесоа првото посериозно одвојување. Во корист на екипата домаќин (54:45), во чии редови „двоцифрени“ веќе беа Петровски со 13, односно Каплановиќ со 11. реализации.
Чудно, но во шест минути од тој период, гостите дадоа само три поени, па предноста на кавадаречкиот состав отиде и на двоцифрена (57:45). Така беше и на истекот на 30.минути, (63:51) за Еуро Никел 2005.
По две и пол минути игра во четвртата четвртина, екипата од Скопје намали на достижни (58:65). Но тоа беше нивниот последен обид за некаков пресврт, и во играта и во резултатот.
Кавадарчани стигнаа до нова победа на домашен терен во последниот меч за 2019 година пред својата публика во „Јасмин“. За нив седма во десет натпревари, а во која свое „учество“ освен Каплановиќ (15.поени) и Петровски (18), дадоа и Караколев (стрелец на 15.поени, односно Николиќ кој даде 12.
Невеш финишираше со 21, Станимировќ со 14, а двоен број на поени кај Вардар -10, оствари и повратникот во тимот, Темелковски.
Со прикажаното во овие 40.минути во салата „Независна Македонија“ во Скопје (67:58), не најави излез од кризата
АКАДЕМИЈА ФМП – ГОСТИВАР 58:67
(16-10; 17-17; 11-15; 14-25)
Кризата која е евидентна кај гостиварци, беше видлива и во првата четвртина на гостувањето во Кисела Вода. Амбициозните домаќини влегоа со далеку поголема желба за успех. И имаа постојана предност, која ја сочуваа до последната секунда од првиот период.
Водеше тимот на Игор Гацов со сосема солидни (16:10).
Иако беа далеку од одбри, гостиварци стигнаа до егал-скор (25:25), но во таа сиромашна со поени четвртина, „пресуди“ серијата од осум дадени поени на „пантерите“ за „бегство“ на (33:25). И сосема солидно водство на полувремето (33:27) во кое играта ја водеше американскиот двоец, Харис-Лонг.
Со слабиот шутерски ефект, пред се за три поени, (2/17), што е едно од нивните главни оружја во оваа сезона, гостите можеа да бидат и задоволни со една таква негатива со која заминаа на 15.минутниот одмор.
Уште потешко даваа поени противниците во третата четвртина. Имаа по шест на двете страни по пет минути игра, за непроменети (39:33). А како да биде поинаку ако се земе в предвид дека во 25.минути игра двете екипи имаа очајни 1/9 (домаќинот), односно 2/24 во шутот вреден три поени!!!
Имаше Академија ФМП и највисоки (44:35), но петте поени на ветеранот Тасовски, и една реализација на не баш многу забележливиот Доналдсон, го оставија во игра Гостивар. По три четвртини резултатот гласеше (44:42) за Академија ФМП.
Новата серија, сега од (7-2), му го донесе и водството на гостинскиот тим (49:46), кога Џелетовиќ (конечно) погоди и за три.
Тренерот на Академија ФМП, Игор Гацов проба да го сопре гостиварскиот налет со тајм-аут. Но Џелетовиќ погоди уште еднаш од истата позиција за највисоки (52:46) во корист на Гостивар.
„Пантерите“ одговорија со иста мерка, за нова промена на водство (53:52). На тројките на Димчевски и Џелетовиќ, домаќините вратија преку Лонг и Харис (58:59). Но во пресудните мигови од мечот, гостиварци одиграа онака „на искуство“. Мирно, без паника. Ја казнија секоја грешка на противникот, и на крајот стигнаа до она што го посакуваа – победата.
Затоа што Џелетовиќ се „разбуди“ точно на време, во периодот на одлука, во кој стигна до оние крајни 18. поени, доби сосема добра подршка од Димчевски (со 13.поени), и секако незаобиколниот Таасовски, стрелецот на десет доста важни поени во овој триумф за прекин на серијата порази.
Академија ФМП не успеа да изненади уште еден од фаворитите за висок пласман. Со само 58.. дадени поени на домашен терен, не можеше ни против еден не така „јак“ Гостивар.
Иако нивниот ударен трилинг Харис-Нацевски-Лонг, ја надмина бројката од најмалку десет реализирани поени, домаќините не знаеја да го зададат оној конечен удар
Екипата од „Градски парк“ ја оправда улогата на фаворит, и го победи вториот тим на МЗТ Скопје
МЗТ СКОПЈЕ УНИБАНКА – РАБОТНИЧКИ 72:89
(13-23; 23-19; 15-23; 21-24)
Кошаркарите на Работнички стигнаа до уште една, би се рекло, очекувана победа. Беа подобри од „вториот тим“ на МЗТ Скопје.
Славеа со сигурни (89:72), па сега нивната победничка серија е со траење од три недели (натпревари).
Гостите од „Градски парк“ уште во првиот период изградија предност од десет поени (23:13). Но младите домашни кошаркари не сакаа да се предаваат. Во продолжението симнаа скоро половина од таа двоцифрена негатива. И на полувремето имаа и тоа како прифатливи -6 (36:42).
Сепак, уште една добро одиграна четвртина, онаа третата, ги поставија работите на своето место.Поведоа и со (65:51ё0. А кога по две и пол минбути од играта во последната четвртина дојдоа и на уште поубедливи (72:54),
И тука кошаркарите на Работники како да помислија дека е крајот. Ама имаше да се одиграат уште цели седум и кусур минути.
Минути на враќање на момчињата во „сино-белаё3 комбинација. И тоа какво, во само три минути прават серија од (14-2) со кој сериозно се заканија, дојдоа до -6 (68:74).
Но Работнички го имаше расположениот Лесколт, кој со пет поени по ред, донесе мир (79:70). А двете последувателни тројки на Николовски и на Главчев, потврда на триумфот број 7 за најтрофејниот кошаркарски клуб кај нас.
Најмногу поради одличниот ефект на Лесколт, изразен преку 26.поени, 5 скока и исто толку додавања, оној на Бенџамин Двејн од 18.поени, пет скока и четири асистенции, како и дабл-дабл скорот на Мијатовиќ од 11. поени и 10. скока.
Милевски даде 17, Тодоровски 16, а Исајловски уште 13.поени за МЗТ Скопје Унибанка, тим кој ќе мора да почека нова шанса за прва победа во друштвото на најдобрите.
МЗТ Скопје Аеродром им се „нудеше“. Имаше негатива од седум поени на три и пол минути пред крајот (67:74). Но серијата од девет поени по ред, без противникот да постигне поен(и), го пресуди победникот. Кожув испушти голема шанса да го изненади шампионот во СЦ “Јане Сандански“.
МЗТ СКОПЈЕ АЕРОДРОМ – КОЖУВ 76:74
(28-22; 19-26; 13-14; 16-12)
Најави тренерот на Кожув, Александар Јончевски дека екипата од Гевгелија како по некое правило секогаш игра добро кога доаѓа во Скопје. Особено тоа се однесува за натпреварите кои ги играат во СЦ „Јане Сандански“.
МЗТ Скопје Аеродром е инспирација за сите па и за Кожув. А првите 20.минути од последниот дуел од десеттото прволигашко коло и го потврдија претходно најавеното.
Кожув стигна до минимална предност (48:47), иако во тие две четвртини од играа, двете екипи ги разменија водствата,
Гевгеличани стартуваа со (19:13), водеа и со (22:18), но во последните две минути од првиот период МЗТ Скопје Аеродром направи серија од (10-0), за сосема пристојни (28:22).
Шампионот имаше највисоки (30:22) на почетокот на вториот кога дојде редот на Кожув да возврати. И тоа со своја серија, со траење од четири минути и реализација 12.поени по ред. За нова промена на водството, (34:30) како што беше во 14.минута.
Знак дека домаќинот треба да тргне посилно. Тоа „сино-белите“ го направија. Уште еднаш дадоа десет поени без противникот да одговори, за нова предност, сега од четири поени (40:36). Тројката на Крстевски одново ги врати на солидни (43:37), но до истекот на полувремето гевгеличани казнија неколку грешки и нервозата во домашните редови, за „минималец“ (48:47).
Крстевски и Стојановски искомбинираа 31.поен од оние 43 на бранителот на титулата, додека централна улога во играта на Кожув имаше „трилингот“ Пејн, Зданавичиус и Мареро.
Иако практично играа со шест играчи (Пајиќ како прва замена), кошаркарите од Гевгелија упорно ја чуваа минималната предност. Дури и ја зголемија на (55:47). Но уште еднаш му дозволија на домаќинот да се врати.
На нецели две минути пред истекот на третата четвртина да биде егал (60:60), за тој период, сепак, го решат во своја корист (62:60).
Не застанаа тука гостите, напротив. По кој знае кој пат по ред, изградија нова предност, Имаа и (70:61), по нивната нова серија (8-1), по три и пол минути од четвртината на одлука.
На 3:34 минути пред крајот се чинеше дека Кожув има „добитна комбинацвија“. Водство од седум поени (74:67). Но тоа време е долго во кошарката. Гевгеличани се исплашија од победата, а МЗТ Скопје А. Го има капитенот Стојановски. Со четири поени по ред, го усмери својот тим кон нов пресврт. Му помогнаа прво Магдевски, а потоа и Хиндс, кој на 12.2 секунди пред крајот ја врати предноста (75:74). На крајот и Стајиќ, кој ја загуби топката за победа.
МЗТ Скопје знаеше да го прифати подарокот, и да победи .
По заслуга на репрезентативниот двоец: Стојановски и Крстевски кои финишираа со по 23. реализации со кои покрија доста од слабостите во играта.
На другата страна од теренот останаа тројцата „двоцифрени“, Мареро-19, Зднаавичиус-17, Пејн-16.
Извештаите се преземени од официјалниот сајт на кошаркарската федерација http://kfsm.mk/



