Во рамките на 5. коло од Јуниорската лига, кошаркарките на Струга 2009 остварија значајна и драматична победа на тешкото гостување кај екипата на Крива Паланка, славејќи со минимални 60:62.
Натпреварот беше неизвесен од самиот почеток. Првата четвртина заврши со израмнети 15:15, по што домашниот тим успеа да поведе со +4 на полувреме (28:24). Но вистинската игра на стружанки се појави во третата четвртина, кога со агресивна одбрана и брза транзиција ја добија оваа етапа со убедливи 20:11, преземајќи го водството пред последниот дел од мечот.
Финишот донесе голема борба и драматични моменти, но девојките на Струга 2009 покажаа карактер и мирна рака, успевајќи да го задржат минималното водство и да се вратат дома со брејк и голема победа.
Најдобри стрелци за Струга 2009 беа:
- Зиба – 26 поени
- Муртезаи – 24 поени
- Незири – 4 поени
- Даутии – 4 поени
- Миладиноска – 2 поени
- Таранеши – 1 поен




