Милвоки станаа првата екипа со 30 победи оваа сезона, а до овој ефект стасаа за само 35 натпревари совладувајќи го како гости Чикаго Булс со 123:102.
Крис Мидлтон со 25 и Јанис Антетокумпо со 23 погодоци и 10 скокови беа најдобри кај Бакси, додека Зак Лавин постигна 19 коша за Булс.
Кошаркарите на Јута Џез ја остварија третата последователна победа во НБА, на свој паркет совладувајќи ги Детроит Пистонс со 104:81. Јута до победата стаса првенствено одлична игра во второто полувреме кое го доби со 65:41 правејќи пресврт од минималното заостанување 39:40 по првите две четвртини.
Донован Мичел со 23 коша ги предводеше Џез, а новодојдениот Џордан Кларксон од клупата додаде 20, додека Руди Гоберт со 13 поени и 19 скокови. Кај Пистонс Дерик Роуз даде 20, додека Андре Драмонд со 15 коша имаше и 13 скокови.
Феникс Санс остварија гостинска победа од 122:116 кај Портланд Трејл Блејзерс. Најдобри кај Санс беа Девин Нукер со 33 коша, Кели Обри додаде 29 поени, додека кај Блејзерс најефикасни беа Демиен Лилард со 33 и Си Џеј Меккалам со 25 поени.
